مكتوبه على اسمى 30
فرصه اخيرة الأول قبل ما يتفق مع المچرم
رواية مكتوبة على إسمي بقلمي ملك إبراهيم
عند عامر
رجع الشركة ودخل مكتبه وشريف دخل وراه عشان يطمن ويعرف منه ايه اللي حصل
عامر حكاله إللي حصل في كوكو وقعدوا يضحكوا هما الاتنين وعامر كان مشغل الكاميرات قدامه من اول ما دخل الشركة وملاحظ ان آيات قاعده على مكتبها مش طبيعية
عامر قلق عليها وقام من على مكتبه بسرعه وراح المكتب عند آيات
المكتب كان فيه موظفات كتير منهم آيات وهاجر
كل الموظفات رحبوا بيه اول ما دخل وآيات الوحيدة اللي مرفعتش عينيها وهربت دامعه من عينيها قدام عينيه وجففتها بسرعه
وقف واتكلم قدام كل الموظفات وقال اخبار الشغل ايه
ردو كلهم الحمدلله يا باشمهندس كله تمام
آيات برضه مردتش ولا بصت عليه
عامر قرب من مكتبها هي وهاجر وقال أنتوا اول يوم ليكم في الشركة النهاردة اخبار التدريب ايه
عامر عينيه كانت علي آيات وهي رافضه ترفع عينيها وتبصله اخد ورقة من على مكتب هاجر وكتب فيها كلمة ووقف قدام آيات وقالها الملفات دي هتلاقيها عند الباشمهندس شريف عايزكم تدربوا عليهم الاول
آيات كانت بتخفض وشها في الارض ومش عايزة ترفع عيونها ويشوفها انها پتبكي
آيات كانت شايفه ايديه الممدوده بالورقه بدون ما ترفع وشها ورفعت ايديها تاخد الورقه من ايديه لكن عامر كان ماسك الورقه ورافض يسيبها وآيات هي كمان مسكتها وحاولت تسحبها من ايديه وهو رافض يسيبها وبيبصلها لحد ما آيات رفعت عيونها وبصتله وشاف الدموع اللي بتلمع في عيونها وسألها بقلق انتي بټعيطي
واخدت الورقه وطلعت من غرفة المكتب وهاجر وكل الموظفات بصوا ل عامر وهو واقف مستغرب وقلقان علي آيات ومش فاهم هي ليه پتبكي وزعلانه منه كده
آيات اول لما خرجت من المكتب سمحت لدموعها تنزل بحريه وجريت علي الحمام وقفلت علي نفسها وكانت پتبكي وعقلها وخيالها بيقنعوها
غسلت وشها بسرعه وهمست لنفسها مش لازم ابكي لازم أكون قويه قدامه
وجففت وشها وخرجت من الحمام متجها لغرفة مكتب شريف عشان تاخد منه الملفات اللي عامر كتبها في الورقه ودخلت غرفة شريف وقالتله
