قصه كامله
محتاج أخد شنطة فيها حاجات من أوضة ياسين من غير ما مامته تأخد بالها هو قالي إنك هتساعديني..
_ شنطة إيه
وليه من ورا خالتو!!
_ياريت تهدي .. ياسين اټصاب وفي المستشفى ومش عايز حد يعرف بس مضطرين للأسف..
اټخضيت وقلبي وجعني _ إيه!!
اټصاب!! هو فين خدني معاك له..
_ مش هينفع هو قالي مقولش أصلا لحد لكن أنا مجاش في دماغي حاجة أقولها بجد ف أرجوكي اهدي وبطلي عياط..
_ مين دا يا ياقوت
_ دا صاحب ياسين يا خالتو جاي يأخد حاجات له لأن ياسين زي ما أنتي عارفة مش فاضي.
_ أهلا يابني اتفضل واقف ليه عندك!
بصلي بإمتنان وطلعت جهزت الحاجات اللي قالي عليها وغيرت هدومي علشان أروح معاه..
_ الشنطة أهي ممكن توصلني في طريقك للدرس
_ معلش يا خالتو علشان خاطري عايزة أروح بعربية الشرطة دي مرة علشان خاطري.
كنت عارفة أنها مش هتعرف ترفضلي طلب ف طلعت معاه وأنا عارفة إنه عارف إني عايزة أروح معاه ومش رايحة درس ولا حاجة بس مقدرش يتكلم!
_ طمني عليه هو كويس صح
حصله ايه وحصل إزاي!!
_ متقلقيش اهدي دي إصابة سطحية.. ويومين وهيخرج من المستشفى.
_ اتفضلي..
بصيتله وشكرته بعيني من غير ما أنطق ولا كلمة..
_ ممكن كفاية.. هو كويس صدقيني هو مكنش عايزاكم تعرفوا علشان كدا ..
اتألم _ اااه
فضلت ماسكة فيه _ سلامتك يارب أنا وأنت لأ.
_ ما أنتي كدا بتوجعيني يا ياقوت.
قومت _ أنا آسفة أنا آسفة حقك عليا.. مستريح كدا
حطيت ايدي على إيده _ دي بټوجعك
_ اااه أنتي ملمستنيش مش هتوجع.
_ بعدت _ خلاص أهو بعدت خالص
بص ل ياسر اللي كان واقف على باب الأوضة
