قرب منها وهو بيمسك ايدها لا يا مزه
ازاى مش فاهمه
زين ياعنى ... شكرا واسفه بتقوليهم فى اليوم ميه مرة
ليليان طيب معنى كدا حاجة كويسه صح
زين بحنيه انتى كل على بعضك كويسه يا لى لى
ليليان معرفش ليه مش حاسه انك مش جوزى
زين نعم ! ليه بتقولى كدا ... تحبى اوريكى صورة القسيمه
ليليان لا طبعا انا واثقه فيك .. بس انا بتكسف منك . المفروض ياعنى مراتك متكسفش منك صح
ليليان طيب قولى اول مرة شوفتك فين وامتى وكان شكلى عامل ازاى
زين اتوتر اول مرة شوفتك عندى فى الشركه كنت جايه مع قريبك عم حسن
زين استنى يشوف ردة فعلها ولما قال اسم عم حسن ملقاش اى ردة فعل منها فاتنهد وكمل
زين كنت جميله اوى زى دلوقتى .. انتى طول عمرك اصلا جميله
زين قرب منها ومسك وشها بين ايديه اول مرة شوفتك خطفتى قلبى ... واتجوزتك من قريب على فكرة ... احنا لسه عرسان
ليليان بجد .. احنا لسه عرسان ...قول والله طيب اهو كلامى صح علشان كدا بتكسف منك
زين ياستى كسوف ايه بس ... هو احنا نقضى الفترة اللى
انتى مش فاكرنى فيها مكسوفه... لا كدا هايحصلى حاجة
زين احم . مامتك وبابكى متووفين من صغرك واللى ربتك جدتك .. احم هى كمان اټوفت وعم حسن اخدك عنده وبعد كدا انا شوفتك وحبيتك واتجوزتك .. ومالكيش اخ ولا اخت
ليليان عيونها كلها دموع ياعنى انا ماليش اهل ...طيب عم او خاله طيب فين عم حسن دة
ليليان فى الوقت دا عيطت جامد حسيت قد ايه هى وحيدة ياعنى ماليش حد فى الدنيا ... ليه كدا
زين اخدها فى حضنه حبيبتى يا ليليان انا ابوكى واخوكى وامك وكل حاجة فى حياتك .. انا اهلك وانتى اهلى
ليليان حضنته لانها حست فى حضنه بالامان وكمان ريحته مش غريبه عليها كانها عارفها وكانت بتحبها ربنا يخليك ليا
ليليان ماشى
زين انتى زعلانه انى هاسيبك ... لو زعلانه خلاص مش هاروح
ليليان هو ضرورى .. اصل انا معرفش سارة دى معرفش هاقعد معاها ازاى ... حاسه انى متوترة اوى
زين بصى المشوار دا ضرورى وعدت حد اكون عندة انهاردا وانا مبقدرش اخلف وعدى ابدا ... بس انتى لو خاېفه اسيبك مش مشكله هاتصل واعتذر ... وبالنسبه لسارة دى عسوله اوى وانتى بتحبيها اوى ومتقلقيش هتاخدى عليها بسرعه زى ما اخدتى قبل كدا
مراد بنوم الو
زين انت لسه نايم ...قوم يا باشا
مراد انت عاوز منى ايه ياعم .. سيبنى انام
زين قوووم عاوزك تتصل بسارة
مراد متكملش ... متجبش سيرتها قدامى ... انا مش هاكلم حد
زين انت نسيت يا مراد اللى قولتهولك امبارح
مراد لا مش ناسى ... بس انت متعرفش الهبله دى عملت فيا امبارح
زين ها عملت ايه ست سارة .. اصل انا فاضى ليكوا
مراد ولا عملت ولا سوت اطلع من دماغى يا زين ... انا مش هاكلمها ممعيش رقمها
زين معايا انا
مراد وانت جبته منين
زين وظابط مخابرات .. وقال فهد المخابرات .... يا ذكى من فون ليليان
مراد اه ... بردوا مش هاكلمها
زين مراد كلمها وقولها تيجى تقعد مع ليليان ... علشان انا هاسافر الشرقيه علشان كتب كتاب ايمان وعبد الرحمن
مراد اووووف وانا مالى ياعم ... ماتكلمها انت قولها انت كل اللى قولته من شويه
زين بخبث انا ماليش كلام معاها ... لكن انت ليك .. وبعدين انا عاوزك تروح تجبها من بيتها وتطلعها على هنا وتدخلوا على ليليان كدا وتشوفكوا مه بعض علشان هى خاېفه منكوا وليها حق الصراحه جوز اغبيه لايقين على بعض والله ... هابعتلك رقمها فى رساله واخلص
مراد زين .متستع.... قفل السكه ... يادى ليليان اللى طالعلى فى البخت ... معلش يا مراد اعصر على نفسك لمونه وكلمها وعدى الايام اللى جايه دى على خير
.. كله علشان صاحب عمرك
سارة نايمه ومدايقه من اللى عمال يتصل كل شويه
سارة صوتها كله نوم ودا كان كفيل يخلى مراد ميركزش فى حاجة الوو
مراد احم صباح الخير
سارة مش مركزة صباح النور
مراد انا هاعدى عليكى بعد نص ساعه اخدك ونروح لليليان متتأخريش .. سلام
سارة سلام
وقفلت فونها وكملت نوم
بت يا سارة قووومى .. انتى مش رايحه الجامعه
سارة لا هانام
والله انك فاشله .. انا هاروح المدرسه .. وبعد كدا اروح على خالتك والمرادى هاتيجى تسلمى على
