قصه رائعه اتجوزت عليكى
جوزك أبو اللي في بطنك يطلع مچرم.
اتخرست خالص ومقدرتش أنطق.. ايه الإنسان ه قلب كل حاجة فوق رأسي كنت لسه هعترض لقيت الراجل بيقول.
صحيح الكلام ده يا استاذة الأستاذ ده يبقي جوزك
كنت لسه هرد برضه لما عدي مسك أيدي وقال
طبعا جوزها وأبو ابنها هو بس فيه مشاكل بيننا أنا وهي وأنا بحاول اصالحها.. خلاص يا أخويا حصل خير.
يالا يا حبيبتي.
شديت أيدي وأنا بقول
حبك برص يا نصاب يا كداب.
انتي اللي بدأتي
وأنت اللي جاي هنا تاخد فلوس من واحدة مفلسة!
ضحك عدي وقال
يظهر أنك فاهمة الموضوع غلط أنا مش جاي اخد فلوس ولا حاجة أنا بس شوفتك پتبكي وقولت أسألك فيه ايه. صحيح انتي كنتي پتبكي ليه.
يا ست بطلي عياط هيفتكروني بتحرش بيكي
كلكم خاينين كلكم.
مسك دراعي ومشي بيا وقال
كلنا مين بس يا ست أنا لسه عارفك من خمس دقايق اركبي بس العربية شكلك تعبانة.
زقيته وأنا بقول
هو انت فاكرني ايه! هو أنا عشان اتطلقت ومبقاش ليا بيت هتفتكرني شمال اتقوا الله.
قالها پصدمة
فعيطت تاني وقولت
الندل الواطي طلقني عشان سلعوة ضاربة شعرها اوكسجين واسمها كاميليا قولي في حد يسمي كاميليا. اسم ده ولا دوا كحة.
ضحك وقال
انتي مصېبة علي فكرة في الظروف دي بتألشي احكيلي من الأول.
.
بعد ما حكيتله.
علي فكرة طليقك واطي
متقولش عليه كده بأي حق تهينه
لا راجل واطي اللي يرمي واحدة عاش معاها لسنتين عشان سبب تافه زي الخلفة يبقي واطي. اللي يكسر واحدة ملهاش حد ويطردها يبقي واطي. اللي يقهر قلب مراته ويحسسها أنها مجرد آله عشان تخلف بس يبقي واطي. بس انتي السبب. انتي الغبيه
عارفة ليه عشان انتي اللي خليتيه كل حياتك. لما لقاكي ضعيفة وملكيش حد اتجبر عارفة لو عرفتي من الأول أنك الوحيدة اللي سند لنفسك مش حد تاني مكانش هيقدر يعاملك كده الراجل لما يلاقي نفسه محور حياتك هيتغر أكتر نفسك برضه ليها حق عليكي فاهماني. هزيت رأسي ومسحت دموعي وأنا بقول بسخرية
مش متأخر ولا حاجة عندك حياتك وابنك عيشي عشانهم.
أعيش ازاي بس لا عندي بيت ولا شغل مش عارفة أروح فين أنا يتيمة زي ما أنت عارف وكنت عايشة في مع خالتي في بيتها قبل ما اتجوز يامن وخالتي ماټت ومبقاش ليا لا أهل ولا بيت.
تعالي عيشي عندي وقبل ما تهبي في وشي زي البوتاجاز أمي عايشة معايا هي وأختي وانتي هتقعدي معاهم.
حد وتقولي أصل أمي راحت تجيب طماطم وأختي راحت الدرس وبعدين تسلبني أعز ما أملك.
ايه جو الأفلام الرخيص ده بطلي
تسمعي
