ادم وندى
عندك
ادم خليكي انتي محترمه
ندي انا محترمه ڠصب عنك
ندي انت همجي ومتخلف ورجعي وعلشان كده بتفكر كده
ادم رجعي متخلف همجي اي مسمي بس قسما بالله
ان لبستي حاجه بالشكل ده تاني ما هيحصلك كويس ابدا
ندي انا مش هقعدلك هنا انا رايحه عند بابي
ادم وريني عتخرجي كيف ووريني لبس تاني اكده وانا هتكون اول مره امد يدي علي حرمه وأدبها
كريمه في ايه لكل ده عملتي ايه
ندي انا معملتوش حاجه هو جاي من بره مچنون .. انا يجرجرني من شعري كده انا مش هقعدله هنا انا همشي
كريمه عطي اوامره بره ما تخرجيش ولا تطلعي حتي الجنينه
ندي ليه هيحبسني ولا ايه طيب انا ماشيه
فتحي اسف يا هانم اتفضلي جوه
ندي ابعد من وشي
فتحي اوامر البيه حضرتك ما تخرجيش حتي الجنينه فلو سمحتي اتفضلي
ندي ماشي ماشي
سابت الباب وده وفتحت الباب اللي بيودي للبيسين بس اتفاجئت بإتنين رجاله قالولها نفس الكلام
كريمه اخدتها في حضنها علي فكره الاسهل تغيري هدومك وتعتزري لجوزك وهو هيرجع في كلامه
ندي لا هو بيذلني وانا عمر ما حد عاملني كده
كريمه هو متضايق ليه ايه اللي حصل
كريمه نادت علي فتحي وډخلها
فتحي اللي فهمته يا هانم ان حد اتحددت علي الهانم الصغيره بطريجه مش ولابد وطرد اتنين عمال دلوقتي وحضرتك عرفاه ما بيحبش يجطع رزج حد
فتحي لاه معرفش بس كل اللي جاله انهم عيبصوا لاهل بيته بطريجه عفشه
كريمه طيب روح انت خلاص .... هاه شوفتي غيران عليكي يا ستي .. عيحبك
ندي بيحبني ادم ما بيحبنيش وانا ما بحبوش بعد اذنك
طلعت جري لاوضتها لانها مش عايزه تفكر كده ابدا
وهيا قاعده نامت علي رجلين كريمه وكريمه بتلعب في شعرها
ندي كان احساس جواها انها عايزه تعمل ده وتشوف رد فعل كريمه ايه فرقدت علي رجليها ولقتها بتلعب في شعرها بحب وبحنان !!
احساسيس كتيره ملخبطه جواها كريمه مهتمه بيها وبزعلها ليه !! ليه بتحاول تعلمها امور دينها وليه مثلا مش بتجبرها تلبس زي بنتها ايتن
رجع ادم اخر النهار وامه فهمت منه ايه اللي حصل
كريمه بس برضه براحه عليها واحده واحده يا ادم
ادم عايزاني اسمع رجاله بيتكلموا عن مراتي وبيوصفوا في جسمها وكل واحد بيتخيلها في سريره وتقوليلي اهدي وواحده واحده طيب ازاي
كريمه ايوه اقولك اهدي لسببين مهمين
ادم ايه هما
كريمه الاول انها مش مراتك اصلا ...
ادم كأنه اتفاجئ بالحقيقه دي او تناساها
كريمه والتاني ان كل العالم ده جديد عليها دي امريكيه اتربت من غير حرام او عيب او قيود مستني منها ايه تكون محجبه زي اختك !!! ولا زيي انا فوق يا ادم وفكر بعقلك شويه .. اطلعلها يا ابني وطبطب عليها بدال العڼف ده من امتي انت كده فين حنيتك وطيبتك ليه دي علي طول متعصب معاها ما انت امجد بيعمل مصايب وبرضه بتاخده بالعقل اهدي عليها شويه
ادم طلع ولقاها بټعيط وكمشانه في مكانها وحس قد ايه هيا ضعيفه ومنكسره وهو بيقسي عليها كتير فضل واقف كتير مش عارف ينطق او يتكلم وهيا ما رفعتش دماغها تبصله حتي
وشها كل تردد جواه اختفي واتبدد مسح وشها بايديه
ادم بطلي عياط خلاص اهدي ... اهدي حقك عليا
بصتله وكأنها شايفه حد غريب عنها .. ادم بجبروته بيعتذر معقوله
ادم انا اتنرفزت عليكي جامد بس ڠصب عني ما استحملتش رجاله يبصولك بصه مش ولابد
